An example of a ballade (eight-line stanza):
Balade Coulourd and Reuersid
by an unknown 15th-century poet
- (a) Honour and beaute, vertue and gentilnesse,
- (b) Noblesse and bounte of great valure,
- (a) fygure playsant with coulour and fressheness
- (b) Witnesse prudent, with connyng and norture,
- (b) Humblesse with contynaunce demure,
- (c) Plente of this have ye, lo souuerayn,
- (b) Expresse soo youe fourmyd hath nature,
- (C) Pyte savyng, ye want no thyng certayne.
- (a) Creature noon hath more goodlynesse
- (b) Goodenesse grete, so wred yow hath vre
- (a) feture and shap of faire lucresse,
- (b) Mekeness of Tesbe, as voide of all rigure,
- (b) frendelyness of mede, port of geynure,
- (c) Pennolope of hestis, true and playne,
- (b) Alcesse of Bounte lo, thus ar ye sure,
- (C) Pite savyng, ye want no thyng certayne.
- (a) Endure me doth, lo, payne and hevynesse,
- (b) Distresse and thought with trouble and Langour,
- (a) Vusure stondying of socour and Relesse;
- (b) Maistres and lady, trustyng you of cure,
- (b) Witnesse of God, I gre myn aduenture,
- (c) Parde is falle me what joy or what payne.
- (b) Gladness or woo, thus I you ensure,
- (C) Pytte savying ye want no thyng certeyn.
- (b) Prynce[sse] I you beseche this rude meture
- (c) Ye not disdayne, behold with eyen tweyn,
- (b) Witnesse though I doo in this scripture,
- (C) Pite Savyng ye want no thyng certeyne.